E ftuar në emisionin “Top Story” përballë gazetarit Sokol Balla, ambasadorja e BE-së në Shqipëri, Romana Vlahutin ka folur mbi shumë çështje të aktualitetit në vend, reformën në drejtësi dhe integrimin europian të vendit.
Ajo ka folur edhe për ligjin e dekriminalizimit duke kundërshtuar vendimin për heqjen e votës për të dënuarit dhe thotë se në rastin më të mirë një vendim i tillë është interpretim i gabuar i ligjit të dekriminalizimit.
“Është hera e parë në jetën time që dëgjoj se dikush ka pasur një ide të tillë dhe jam tërësisht e sigurt që ky duhet të jetë një interpretim i gabuar apo diçka e tillë. Sepse ajo që kemi kuptuar ne për ligjin e dekriminalizimit është që ata që kanë kryer krime nuk mund të kandidojnë dhe nuk mund të votohet për ta. Por ama, të gjithë, përfshirë të burgosurit, kanë të drejtën për të votuar dhe kjo është e panegociueshme, është baza e demokracisë që çdo qytetari në një moshë të caktuar i jepet e drejta për të votuar. Pra, personat që duan të votohen në detyrë ose zyrtarë që kanë bërë krime, për ta është legjislacioni”, tha Vlahutin.
Discussion about this post