Shkarkimi i trajnerit Italian Carlo Ancelotti nga stoli i Bayern Munchen nuk ka kaluar pa vëmendje nga mediat dhe tifozët italianë, duke qenë se Ancelotti ka pasur një karrierë mjaft të suksesshme me Milanin, ku ka fituar dhe Ligën e Kampioneve.
Pavarësisht fitores 3:2 ndaj Rjekës në Europa League, Milani nuk po kalon sezon të mirë në Serie A dhe Montella rrezikon shkarkimin nëse nuk ndryshojnë gjërat, raportojnë mediat italiane.
I pyetur për një rikthim të Ançelottit nën drejtimin e Milan Montella tha:
“Unë e vlerësoj shumë atë. Gjithmonë i kam shikuar nga afër stërvitjet e tij kur kam filluar të merrem me këtë punë dhe gjithmonë më ka konsideruar si një vëlla”, tha Montella.
“Nëse dëshiron të vijë këtu, mund të jetë asistenti im ose ndoshta unë mund të jem asistenti i tij!”, shtoi ai. (B.H.Shuplaka)
