Janë votuar me votat e mazhorancës ndryshimet në qeverinë Rama, ku Belinda Balluku është emëruar zëvendësministre, ndërsa Majlinda Dhuka ministre e shtetit për marrëdhëniet me parlamentit. Ndryshimet në qeveri kanë kaluar me 76 vota pro.
Ndërkohë që vendimi për shkarkimin e Arben Ahmetajt nga posti i tij si zëvendëskryeministër dhe ministër i shtetit për Rindërtimin ka marrë edhe votat e kampit opozitar. Në total janë 103 deputetë që janë shprehur pro shkarkimit të Ahmetajt.
Lindita Nikolla: Dekret nr.13835, datë 26.7.2022 “Për shkarkim Zëvendëskryeministri dhe ministri”, Votat: pro 103, kundër 3, absetim 0
Dekret nr.13836, datë 26.7.2022 “Për emërim ministri”: Votat: pro 76, kundër 32
Dekret nr.13837, datë 26.7.2022 “Për emërim Zëvendëskryeministri” Votat: pro 76, kundër 32, dekreti miratohet.
Të hënën kryeministri Edi Rama vendosi për largimin e Ahmetajt nga qeveria, pasi sipas tij janë ndryshuar dhe prioritetet.
Hapja e negociatave me BE-në sipas tij kërkon një ministër shteti për këtë pozicion, ndërkohë që emërimin e Ballukut si numri 2 i qeverisë, e justifikoi me faktin që energjia është një nga sektorët më të rëndësishëm në muajt e fundit, për shkak të rritjes së çmimeve të blerjes dhe sigurimit të saj në bursë.
Opozita kërkoi që seanca e sotme të ishte me debat, sa kohë që ndryshimet në qeveri u justifikuan me ndryshim të prioriteteve, por kjo kërkesë e tyre u rrëzua nga ana e socialistëve.
(E.K/Faxweb.al)
