Petro Gegolli është dënuar me tetë vite burg. Në 27 shtator të vitit 2017, ai është përfshirë në një aksident që i mori jetën dy të rinjve Bujar dhe Simon Telo të cilët po udhëtonin me motor pranë kryqëzimit të fshatit Progër.
Gegolli ka denoncuar në emisionin “Arbitrazh”, se gjatë qëndrimit në burg ka kaluar peripeci të shumta me problemet shëndetësore.
61-vjeçari tregon se ka shkuar në gjendje kome pas hemorragjive të cilat pretendon se ia kanë shkaktuar mjekët.
Në denoncimin e bërë nga Petro Gegolli i cili vuan dënimin në JVP Korçë, thuhet se punonjësi i policisë i quajtur Geni Xhixho ka ushtruar dhunë ndaj tij.
Denoncimi i të burgosurit: I burgosuri – Me 27 Shator 2017 ka ndodhur aksidenti. Kam shkaktuar dy viktima, kam dashur t’i shmang dhe e kam përjetuar shumë keq. Janë fëmijë të një nëne.
Arbitrazh – Sa vjet jeni dënuar?
I burgosuri – Jam dënuar tetë vite. Këta donin të më merrnin edhe shpirtin edhe të më marrin jetë. Me cirrozën që vuaj unë kam mungesë albumine. Doktori nuk e ka lexuar fare dosjen time, për arsyeje se vetëm dy herë, unë kam dëshmitar më kanë marrë më kanë sorollatur që në orën 05.00 të mëngjesit, që në orën 01.00 të natës i kam lajmëruar kam hemorragji, kam hemorragji, kam hemorragji këta mi kanë shkaktuar vetë hemorragjitë, duke më dërguar në gjendje kome në Tiranë ( në spital). Me datën 24 i pari jam zhveshur në prezencë të shefit të regjimit të burgut për të protestuar, kur më pa se isha fryrë atëherë e vendosen që urgjentisht të më nisnin te juristi i burgut.
Arbitrazh – Jeni në spitalin e burgut Tiranë apo në JVP Korçë?
I burgosuri – Jo vazhdoj të vuaj në JVP Korçë. Oficerë të grupit të gatshëm kanë ardhur e më kanë marrë gjatë natës në prezencë që më kanë marrë për krahu, Geni Xhixho më ka goditur (punonjës i policisë).
Njoftimi i Policisë për aksidentin: Devoll
Në vijim të informacionit datë 28.09.2017, ju informojmë se specialistët e Sektorit për Qarkullimin Rrugor, në Drejtorinë Vendore të Policisë Korçë, bënë kapjen dhe arrestimin në flagrancë të shtetasit :
Petro Gegolli, 54 vjeç, banues në Bilisht-Devoll.
Pasi më datë 28.09.2017, në afërsi të fshatit Progër, ky shtetas duke drejtuar mjetin tip “Benz”, me targë AA501HV, është përplasur dhe për pasojë ka aksidentuar me vdekje shtetasit B.T, 22 vjeç, i cili drejtonte një mjet motorr tip “Dayang” pa targa dhe vëllain e tij shtetasin S.T, 16 vjeç, pasagjer në motorr , të dy banues në fshatin Plasë.
Materialet i kaluan Prokurorisë të Rrethit Gjyqësor Korçë për veprën penale : “Shkelja e rregullave të qarkullimit rrugor” parashikuar nga neni 290 i Kodit Penal.
