Koço Danaj, kryetari Lëvizjes për “Shqipërinë Natyrale”, i ftuar në Fax News foli mbi largimin e ish-kryeministrit Nikola Gruevski, tashmë i shpallur në kërkim ndërkombëtar, përmes Shqipërisë për të ndaluar në Hungari.
Danaj tha se vendet e Rajonit ishin të gjitha në dijeni për rrugëtimin e Gruevskit. Ai shtoi se Gruevski do të fitojë statusin e azilantit politik në Hungari.
“Në thelb nuk është asgjë më shumë se një lojë spiunësh. Gruevski nuk iku vet. Gruevskin e shoqëruan. Zaevi nuk ka pse të bëjë të paditurin sepse ai di gjithshka dhe e dinte se ku do të shkonte. Askush nga politikanët e rajonit nuk kanë pse të bëjnë të paditurin, politikanët më të lartë të gjithë e dinin se Greuvski do të kalonte nga Shqipëria. Do të shkonte në Han të Hotit që pastaj do të shkonte nga Hani i Hotit në Vermosh, që është një pikë e re dhe nuk është infrastruktura e duhur e tillë që nuk i ka të gjitha materiale. Dhe kaloi dhe përfundoi në Hungari ku u prit nga Viktor Orban miku i tij më i ngushtë. Ato që e nisën ato e bënë zgjedhjen.
Ti ke detyrë ta shoqërosh, nuk shërben për ta ditur. Janë të tjerë ato që e kanë marrë Nikola Gruevskin që siç e kaluan nga Shqipëria mund ta kalonin nga Kosova. Kanë gjykuar ta kalonin nga Vermoshi, pasi nuk është pikë funksionale, e cila është e sapo hapur.
Gruevski do të marrë dhe statusin e emigrantit politik pa diskutim. Është vendosur se do të jetë Hungaria shteti që do ta pranojë. Nuk do të kthehet. Gruevski do të rrijë në Budapest. Nuk iku vet. Edhe vetë shërbimet sekrete të inteligjencës së SHBA-së kanë dijeni për rrugëtimin që ndjeku Gruevski.”- u shpreh ai.
(M.Q/Faxweb)
Discussion about this post