Gjykata lë në burg Astrit Kote, ish-drejtorin e burgut të Durrësit. Ky vendim është marrë me përfundimin e verifikimit të masës së sigurisë.
Në seancën gjyqësore ku atij iu caktua kjo masë dënimi me kërkesë të Prokurorisë, ish-drejtori i burgut të Durrësit, Astrit Kotaj, mohoi akuzat ndaj tij. Prokuroria kërkoi “arrest me burg” me pretendimin se Kotaj nuk ka bërë përllogaritje të dënimit të Berishës.
I pyetur lidhur me lirimin e Lulzim Berishës, një çështje e diskutuar dhe që ka qenë në qendër të debateve mes palëve politike, Astrit Kotaj, deklaroi se nuk ka dijeni, as lidhje me dinamikën e përllogaritjes së masës së dënimit të Berishës. Ai theksoi se nuk ka kryer asnjë shkelje gjatë mbajtjes së postit të drejtorit të burgut.
“Nuk kam lidhje me dinamikën e përllogaritjes së ditëve të dënimit të Lulzim Berishës , nuk jam jurist dhe nuk e njoh procedurën. Nuk është detyrë funksionale e drejtorit. Personalisht nuk kam bërë shkelje ligjore si drejtor. Përllogaritja e dënimit është puna e juristit, jo e drejtorit të burgut.”
Astrit Kotaj akuzohet për “falsifikimin dokumentesh” që çuan në lirimin e Lulzim Berishës.
(Astrit Kotaj në seancën gjyqësore)
