Gjatë emisionit “ngA Kalaja”, Akil Kraja u shpreh se të gjitha skandalet të cilat po zbulohen çdo ditë, janë pasojë e veprimeve të opozitës në të shkuarën.
“Opozita vazhdon të paguajë kostot e bojkotit të vitit 2019. Duke përfituar nga kjo, firma “5D” u fuqizua, për arsye se Këshilli Bashkiak ishte tërësisht monopartiak. Aty ku nuk ka opozitë, ka më shumë korrupsion. Kam frikë që perversiteti i regjimit do shkojë deri aty ku do bëjnë marrëveshje e do thonë ‘do bëni 2-3 vjet burg dhe do dilni e do shijoni pronat e pasurinë.
Po shohim që të gjithë akuzohen vetëm për shpërdorim detyre. Nuk duhet të mbyllet me kaq. Duhet të ketë sekuestrime dhe jo të mbylllet me një dënim 2-3 vjet. Duhet të dënohen me 10 vjet e sipër”.
Kraja tha se të gjitha veprat penale, të cilat ai i cilësoi si veprime trashanike, kanë ndodhur pasi të gjithë autorët kanë patur garancinë e Erion Veliajt.
“Arroganca për të bëre veprime aq trashanike vjen se kanë pasur garanci nga Veliaj.”
