Arrestimet për pronat dhe financimet ruse, Çollaku në Fax News: Janë grabitje, mashtrim!

Gazetari Basir Çollaku ka folur në lidhje me arrestimet për pronat në bregdet dhe prangosjen e kryebashkiakut të Lezhës si dhe të 12 zyrtarëve të tjerë.

I ftuar në Fax News, Çollaku u shpreh se kjo është një grabitje pronash, pasi dokumentet janë falsifikuar.

I pyetur nëse opozita duhet të mbrojë zyrtarët e lartë, gazetari u shpreh se opozita nuk duhet të mbrojë asnjë zyrtarë të mandatuar prej saj.

“Duhet të lërë drejtësinë të shprehet. Por duke parë mënyrën se si bëhen operacionet, me Xhafën në krye ka nuancë të theksuar politike. Droga nuk ka të ndalur asnjëherë.

Dëshira për të prodhuar ngjarje të tjera periferike, dhe për t’ju shmangur gjërave të rënda, si ajo e Maminasit, vijon të jetë prezente. Cilat janë lidhjet me ngarkesat që vijnë në Shqipëri?

Diku është prishur ekuilibri. Dhe këtë duhet të gjejmë ne. Cila nga bandat e mëdha janë shkatërruar krejtësisht dhe ndodhen sot pas hekurave?

Edhe vetëshefi i Antimafias në Itali, tha se mafia shqiptare e ka rritur bashkëpunimin me ato italiane, si Cosa Nostra, Camorra, etj.

Un vë re se janë shumë larg veprimet dhe ngjarjet që show dhe propaganda e ministrisë së brendshme me veprimet konkrete që njerëzit lirohen për mungesë provash.

Kjo  vërteton që Xhafaj e drejton Prokurorinë. Dihet se kush janë grupet kriminale, dihen me emra por forca e ligjit nuk bie mbi ta. Madje një pjesë të aktivitetit të tyre e formalizojnë në ndërtime kullash, rrugësh. Me kë i ndajnë këto para? Sistemi i drejtësisë është i kalbur,”- tha Çollaku.

Përsa i pëket ndikimit të Rusisë në Shqipëri, Çollaku u shpreh me humor  se pas fitores së Putin, priste që një përfaqësues socialist të shprehej se fitoi me mbështetjen e Bashës.

“Në të vërtetë duhet të ketë transparencë. Unë besoj se një pjesë e asaj që kam punuar dhe shkruar është se kam sqaruar faktin që maxhoranca ka akuzuar opozitën për bashkëpunim me rusët.

Në të vërtetë është po kjo maxhorancë që po largon kompanitë amerikane dhe po sjell kompanitë ruse në Shqipëri. Gjiknuri i dha përgjigjen pozitive kompanisë ruse nëë 2017, pavarsisht lidhjeve që ajo kishte me kompanitë e tjera hidrokarbure. Lindja ka fituar shumë territor, është një tendencë që shihet me vendime dhe shkresa. Dhe këto leje nuk i jep opozita, por maxhoranca,”- përfundoi gazetari Basir Çollaku.
(F.G/Faxweb.al)