7 shqiptarë, 6 italianë, 1 maroken, 1 egjiptian, 1 rumun dhe 1 bullgar, janë arrestuar ditën e sotme nga policia italiane, pasi akuzohen për vjedhje si dhe riciklim të makinave të vjedhura luksoze.
Njësia Hetimore e Monza-s, koordinuar nga prokurori i Republikës, zbuluan në mars dy makina të vjedhura, ngarkuar mbi një transportues makinash, gati për t’u transferuar. Ngarkesa ishte destinuar të shkonte në Maltë dhe përfshinte edhe dy mjete të vjedhur. Nga bisedat telefonike të kamionistit, hetuesit arritën të zbulonin të gjithë bandën, e drejtuar nga një shqiptar në Monza.
Vjedhja dhe zëvendësimi i kornizave të makinave, që nga BMË-ja, Audi, Jaguari si dhe Range Rover, shiteshin në Itali si dhe jashtë vendit, veçanërisht në Gjermani, Shqipëri dhe Mal të Zi.
Nga hetimet e deritanishme rezulton se kjo bandë ka kryer 23 vjedhje, mjete vlera e të cilave shkon në një milion e 750 mijë euro. Ndërkohë, policia po heton lidhur me dokumentimin e plotë të ngjarjes.
(S.SH/Shuplaka)
