Një person me probleme mendore është vënë në prangat e Policisë së Elbasanit pasi goditi kujdestarin e pavionit teksa ishte duke iu nënshtruar një trajtimi mjekësor.
Është arrestuar Emiljan Ziu 25 vjeç, nga fshati Kuqan. Ai akuzohet se gjatë kohës që ka qenë i shtruar me mjekim të detyrueshëm në Spitalin Psikiatirk ka goditur punonjësin me inicialet H. P. 65 vjeç.
I lënduari është dërguar menjëherë në spitalin kirurgjik të Elbasanit ku ndodhet jashtë rrezikut për jetën. Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Plagosja e rëndë me dashje” parashikuar nga neni 88 i Kodit Penal. (XH.A/SHUPLAKA)
