Skuadra e Arsenal ka arritur të fitojë supersfidën e kësaj jave në Premier League përballë Manchester City.
Topçinjtë e Londrës triumfuan me rezultatin minimal 1-0 dhe goli erdhi në minutat e fundit të lojës në të 86-tën. Heroi ishte braziliani Gabriel Martinelli, që shënoi pas një asisti të Havertz.
Me këtë fitore Arsenal e kapërcen City-n në renditje duke shkuar në kuotën e 20 pikëve po aq sa Tottenham në vendin e parë. City mbetet i treti me 18 pikë.
Pas pushimit të kombëtareve londinezët do të ndeshen në derbi me Chelsea, ndërsa skuadra e Guardiolës do të pres në shtëpi Brightonin.
Discussion about this post