Artan Hoxha: Në historinë e rrugëve do të ketë arrestime edhe nga PS, si kokrra fiku

Gazetari Artan Hoxha është shprehur në studion e emisionit “Opinion”, lidhur me arrestimet e disa ish-drejtorëve të ARRSH-së, lidhur me abuzime në rrugën Gjinar- Elbasan.

Ndër të tjera, Hoxha u shpreh se e njëjta prokurore Elisabeta Imeraj, që çoi para akuzave Tahirin ka çuar para akuzave edhe ish-drejtorët e rrugëve.

Hoxha tha se nuk duhet të etiketohet forca politike që këta drejtorë kanë përfaqësuar, sepse shumë shpejt do të ketë arrestime edhe nga Partia Socialiste, në të njëjtën çështje. “Si kokrra fiku”, tha gazetari.

“Do ti shikosh shpejt edhe ata të PS-së, si kokrra fiku i ke aty, shyqir që u hap kjo lojë sepse në këtë vend janë harxhuar miliarda dhe nuk kemi rrugë”, tha ai.  (B.H/Faxweb)