Presidenti i Republikës së Shqipërisë Ilir Meta e ka marrë seriozisht luftën frontale me qeverinë në mbrojtje të Kushtetutës siç e quan ai.
Ditët e fundit kreu i shtetit Meta ka bërë thirrje për një tubim me 2 mars në bulevardin “Dëshmorët e Kombit” në Tiranë.
Tubimi do të mbahet në “mbrojtje të Kushtetutës, Shqipërisë dhe popullit Shqiptar” thotë ndër të tjera Meta në daljet e tij publike teksa bën thirrje që shqiptarët të bashkohen në 2 mars.
Thirrjeve për tubimin në Bulevard presidenti ka filluar ti bëjë edhe me spote dhe slogane nacionaliste duke theksuar pretendimin e protestës.
Pas videos së mbrëmshme me këngën patriotike sonte Presidenti Ilir Meta ka publikuar nje foto ku shkruan: As mavi, as mavri. Me 2 mars Shqipëria do jetë Kuq e Zi.
Ndërkohë në një postim në rrjetet sociale, Meta falenderon shqiptarët për çdo mesazh inkurajues të dërguar dhe bën thirrje që të bëhen bashkë kundër grushtit të shtetit.
“Falenderoj nga zemra mijëra shqiptarë për çdo mesazh inkurajues të dërguar në rrjetet sociale! Bashkë në 2 Mars në Bulevardin “Dëshmorët e Kombit”! Bashkë kundër grushtit të shtetit! Bashkë për Kushtetutën! Bashkë në Besëlidhje! Bashkë për Shqipërinë!””- shkruan Meta.
R.G/FAXWEB.AL
Discussion about this post