Në ditën e Rinisë, PS mban Kongresin e Jashtëzakonshëm. E para që nisi fjalën ishte ministrja për Marrëdhëniet me Parlamentin, Elisa Spiropali, e cila mes të tjerash u ndal edhe te incidentet në Kuvend dhe beteja e opozitës, pa kursyer ironitë.
“Ne socialistët besojmë se suksesi është kolektiv, duhet ndarë me të gjithë, por përgjegjësitë janë individuale. Në parlament sillen si revolucionarë dhe piromanë, ose triumfojnë ose e djegin. Ne nuk na ndan prej tyre barrikada e karrigeve që përmbysin në parlament, por zgjedhjet e ndryshme, Ata ndezin zjarre, ne ndërtojmë edhe duke shuar zjarret e tyre. Jemi në një sallë parlamenti por vite dritë ndaj atyre që po i tmerron ankthi për orët e së vërtetës. Të paaftë për t’u shndërruar në alternativë filozofia e tyre shkon në drejtim të kundërt me interesin e qytetarëve. Ata tentojnë të kthejnë akrepat pas në ’97-ën. Asnjë lider tjetër sa Edi Rama dhe PS, nuk është treguar aq i aftë dhe kaq këmbëngulëse në praktikat e korrigjimit. Kundërshtarët tanë dinë vetëm të humbasin.”- tha Spiropali.
Discussion about this post