Ka nisur edhe ditën e sotme aksioni i IKMT për prishjen e diisa banesave në zonën e Unazës së Re dhe ndryshe nga sa ndodhi të martën e kaluar, nuk ka pasur rezistencë të banorëve.
Mësohet se përgjatë këtij aksioni do të prishen dhjetra banesa ç’ka i hap rrugë vijimit të zgjatimit të Unazës së Madhe të Tiranës.
Banorët kishin paralajmëruar se do të vijonin rezistencën e tyre dhe nuk do të lejonin mjetet të shembnin banesa dhe biznese përgjatë këtij segmenti, por me sa duket ata nuk kanë gjetur dakortësi mes njëri-tjetrit.
Një pjesë e banorëve nuk kanë pranuar dëmshprëblim nga shteti duke e quajtur vlerësimin si abuziv dhe jo në vlerën e tregut, ndërsa disa të tjerë kanë deklaruar se shteti nuk iu ka ofruar fare kompensim.
Përgjatë më shumë se një viti që kur ka nisur protesta e tyre, ka pasur edhe nga ata banorë që kanë pranuar banesa sociale nga ana e bashkisë, sikurse nga ata që kanë pranuar dëmshpërblimin.
(F.GJ/FAXWEB.L)
Discussion about this post