Në Fushë Krujë ka ndodhur një shpërthim tritoli në banesën e 43-vjeçarit, Hamit Tusha. Nga ana e policisë është shpallur në kërkim 32 vjeçari me iniciale L.Ç. Nga shpërthimi ka pasur vetëm dëme materiale. Deri më tani dyshohet se tritoli është vënë pas një konflikti pronësie.
DETAJE:
Specialistët për Krimet në Komisariatin e Policisë Krujë kanë filluar procedimin penal dhe po punojnë për kapjen e shtetasit:
• L.Ç. 32 vjeç, banues në Fushë –Krujë.
Më datë 01.06.2017, rreth orës 03:20, për motive pronësie, në Arrameras, ka vendosur dhe ka shpërthyer një sasi e vogël lënde plasëse artizanale, në murin rrethues të banesës së shtetasit D.T. 43 vjeç.
Për pasojë janë shkaktuar dëme të vogla materiale. Gjatë kqyrjes së vendit të ngjarjes janë gjetur dhe sekuestruar në cilësinë e provës materiale një fitil zjarrpërcjellës 16 cm dhe një qese plastike me ngjyrë të verdhë. Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale “Shkatërrimi i pronës me eksploziv”dhe ‘Prodhimi dhe mbajtja pa leje e armëve luftarake dhe e municionit”parashikuar në nenet 152 dhe 278/2 të Kodit Penal.
