Policia ka dhënë detaje lidhur me atentatin në Lushnjë ndaj Saimir Taullaut i cili u plagos në lokalin e tij ter rrethrrotullimi i Plugut në Lushnjë.
Sipas policisë Taullau, i njohur për rivalitetin me bandën e Aldo Bares, ndodhet në spital jashtë rrezikut për jetën.
“Në datën 24.11.2018, në vendin e quajtur “Rotondo e Plygut”, është qëlluar me armë zjarri në drejtim të lokalit të shtetasit S.T, 47 vjeç, banues në Lushnje.
Për pasojë ka mbetur i plagosur lehtë shtetasi S.T i cili ndodhet në spitalin e Lushnjes nën kujdesin e mjekëve jashtë rrezikut për jetën.
Gupi hetimor ndodhet në vendngjarje dhe po punon për zbardhjen e plotë të ngjarjes, identifikimin dhe kapjen e autorëve.
Në hyrje-daljet e qytetit janë ngritur pika të shumta kontrolli me qëllim kapjen e autorëve të dyshuar”, njofton policia.
Vëllai i Saimit Taullaut, Baki Taullau u vra në vitin 2005 në qytetin e Lushnjës. Për këtë vrasje ai akuzonte ‘Bandën e Lushnjës’.
(B.H/Faxweb)
