Një ditë pas atentatit në Lushnjë ku mbetën të vrarë dy persona, policia ka shoqëruar nipin e Aldo Bares Xhulio Shkurti. Ky i fundit mbeti i plagosur në atentatin e ndodhur pasditen e djeshme në vendin e quajtur “Ura i Çelëve”.
Policia është duke hetuar në dy pista lidhur me motivin e atentatit të pasdites së djeshme të ndodhur në vendin e quajtur “Ura e Përroit” në qytetin e Lushnjës, rreth 100 metra larg komisariatit të policisë. Nga burime të bluve është mësuar se dy pistat e mundshme janë ato të konlfikteve për kontrollin e territorit me qëllim ushtrimin e aktiviteteve të paligjshme dhe tjetra si pasojë e vazhdimësisë së konflikteve të vjetra mes dy grupeve rivale. Duke qenë se ndaj një prej miqve të viktimave, Xhulio Shkurtit është kryer një atentat tjetër një vit më parë, dyshohet se ngjarjet kanë lidhje me njëra-tjetrën. Ngjarja e rëndë ka ndodhur pranë komisariatit, tek ‘Ura e Përroit’ në lagjen “Loni Dhamo” ku mbetën të vdekur dy persona. Një prej viktimave është Jurgen Hoxha, 22 vjeç nga Lushnja.dhe Zamir Ltifi, 23 vjeç.
Thuhet se shënjestër e atentatit dyshohet se ka qenë Jurgen Hoxha, nipi i njërit prej anëtarëve të bandës së Albo Bares, (i dënuar me burg përjetë) ndërsa plumbave nuk mundi t’i shpëtonte as Zaimir Latifi, 27 vjeç. Po ashtu, i plagosur rëndë mbeti edhe pronari i lokalit, Marius Xhepexhiu.
Djemtë po qëndronin pranë një lokali në lagjen “Loni Dhamo”, në vendin e quajtur Ura e Çeleve, teksa persona me maskë dhe me kallashnikov dhe ka hapur zjarr në drejtim të tyre. Pas kësaj autorët janë larguar me shpejtësi nga vendi i ngjarjes.
(B.N/Shuplaka)
