Pierre Emerick-Aubameyang largohet nga Dortmund, ai është transferuar tek Skuadra e Parisit e cila prej shumë kohësh kishte shprehur interesim për lojtarin.
Vetëm pak orë pas lajmit se sulmuesi nga Gaboni bleu shtëpi në kryeqytetin Francez, vjen edhe lajmi për kalimin e tij tek gjigandët e “Ligue 1”, raporton “SPORTBible”.
Ai ishte shumë i kërkuar në këtë fillim merkatoje dhe shumë ekipe kishin shprehur interesim për të, por me sa duket transferimi i tij në Francë është i ndikuar nga paga që do të përfitojë. Aubameyang do të paguhet 10 milionë euro në sezon.
I kënaqur nga marrëveshja del edhe klubi gjerman që fiton 70 mln euro nga shitja e lojtarit. Këto para Dortmund do t’i ketë në dispozicion për të sjellë përforcimë të reja në sulm pas ikjes së Aubameyang.
Kjo është goditja e parë e madhe e kësaj merkatoje e cila pritet të ketë transferime të mëdha, një ndër emrat më të përfolur është edhe sulmuesi i Atletiko Madrid, Grizman. Ai pritet të transferohet tek Manchester United në Angli, por deri tani asgjë nuk ka konkrete. (B.H/Shuplaka)
Discussion about this post