Azilkërkuesit i vënë flakën kampit në Itali, 25 punonjës të bllokuar

Një ngjarje e rëndë ka ndodhur në Venecia të Italisë, ku një grup azilkërkuesish i kanë vënë flakën objekteve në kamp.

Me këtë veprim, ata bllokuan brenda zyrave punonjësit socialë.

Ngjarja e rëndë ka ndodhur mbrëmjen e kaluar, ku rreth 25 punonjës socialë u bllokuan brenda zyrave të qendrës së refugjatëve.

Sipas mediave italiane, këto trazira u nxitën pas vdekjes së një refugjateje në kamp. 25 vjeçarja nga Bregu i Fildishte, ndërroi jetë në kamp. Sandrine Bakay u gjet pa ndjenja në banjo dhe dyshohet se vdiq për shkak të vonesës së ndihmës mjekësore.

RT shkruan gjithashtu se përveç nisjes së zjarrit, emigrantët ndërprenë edhe energjinë elektrike.

Mësohet se forcat speciale të policisë dhe të sigurisë shkuan menjëherë në vendingjarje dhe e vunë situatën nën kontroll.

Për fat të mirë, nga ky incident nuk pati të lënduar. (D.D/Shuplaka)