“Balerina”, mbërrijnë në Gjykatë 7 të arrestuarit në Shkodër, do të njihen me masën e sigurisë

Shtatë të arrestuarit e Grupit ‘’Balerina” kanë mbërritur në ambjentet e Gjykjatës së Shkodrës ku do të njijhen me masën e arrestit.

Ky grup akuzohet se kryente aktivitet prostitucioni. Arrestimi i tyre u bë në sajë të aksionit ‘’Forca e Ligjit”.

DETAJE NGA OPERACIONI I SË SHTUNËS:

Në prana kanë përfunduar shtetasit Rinard (Frederik) Tota, 50 vjeç, banues në Shkodër dhe i dënuar më parë, Kastriot Musa, 41 vjeç, banues në fshatin Barbullush të Shkodrës si dhe pesë femra të moshës nga 25 deri në 33 vjeç, ndërsa procedohet në gjendje të lirë një shtetas tjetër.

Policia thotë se shtetasi Rinard Tota dyshohet si drejtuesi i grupit dhe personi që prej kohësh organizonte shfrytëzimin e pesë shtetaseve të ndaluara për qëllime prostitucioni në lokalin e tij “Tata” në qytetin e Shkodrës.

Policia ka sekuestuar në cilësinë e provës materiale ambientin trikatësh në pronësi të Rinard Totës, dy automjete, një Benz dhe një Land Rover, po në pronësi të tij, një armë zjarri e llojit pistoletë, shtatë ora dore dhe një sasi të konsiderueshme bizhuterishë të ndryshme.

Janë sekuestruar gjithashtu edhe një laptop, 8 telefona celularë, një sasi e konsiderueshme parash, të cilat dyshohet se janë fitime të aktivitetit të drejtuar nga Tota.

(E.K/ Faxweb)

https://www.youtube.com/watch?v=eAyguQ-WUco&feature=youtu.be