Ashtu si edhe pritej, LSI-ja ka njoftuar votën kundër në ligjin e rëndësishëm që pritej të kalonte sot në Kuvend, atë për emërimin e magjistratëve. Edhe pse Balla iu bëri thirrje sot në Kuvend për bashkëpunim , qëndrimi i tyre vijon të jetë po njësoj.
Në një deklaratë për mediat, deputeti Nasip Naco, ish ministër i Drejtësisë ka numëruar arsyet e forta pse LSI-ja nuk do ta votojë, duke deklaruar kjo forcë politike nuk mund të japë mundësi që një pjese e KLD, që ai e ka cilësuar llumi të emërojnë magjistratë e pastaj t’u kërkojnë ndere.
“Në thelb është fakti që në mungesë të KLGJ dhe KLP kërkojnë që ne të kthemi 180 gradë pas që ti japim të drejtën KLD. Unë personalisht dhe në emër të grupit të LSI nuk kam pranuar që të votoj nenin 1, që t’i japim edhe njëherë mundësi KLD, këtij këshilli të anetemuar nga ne dhe ndërkombëtarët nga emërimet nepotike. Këtij këshilli i propozova 44 gjyqtarë për shkarkim, por nuk më mbështeti, po ashtu edhe ministres aktuale të Drejtësisë.
Si mundet t’u japim mundësi këtyre anëtarëve të KLD, llumi i drejtësisë, që t’u kërkojnë ndere magjistratëve. Unë personalisht dhe grupi i LSI nuk mund të votojmë nenin 1, pra 160, që ka të bëjë me emërimin e studentëve magjistratë. Ligji i vjetër parashikonte që shkarkimit ti bënte prokurorja e përgjithshme, por ajo që do i emërojë sot do u kërkojë votën më vonë.
Në komisionin e ligjeve që numri 25, të shkonte në 50 në shkollën e magjistraturës, pasi një pjesë e gjyqtarëve do të largohen. Por u hoq viti akademik 2018-19, pasi nuk duan që reforma të ecë para, nuk duan të krijohet KLGJ dhe KLP. Frika nuk është e opozitës, por e shumicës, janë ministrat e shumicës që janë vendosur para drejtësisë”– tha Naço.
(E.K/FAXWEB.AL)
Discussion about this post