Autostrada Tiranë-Elbasan është kthyer në një mollë sherri mes disa prej deputetëve të PS-së dhe ministrit të transporteve nga ana e LSI-së Sokol Dervishi. Edhe një shtesë që u bë në buxhetin e kësaj rruge nuk është pritur mirë nga socialistët.
Rruga do të mbarojnë më 31 tetor të këtij vit. Ky ishte lajmi i mirë qe e dha vet deputeti i këtij qarku, Taulant Balla. Nga foltorja e Kuvendit, Balla theksoi se ndonëse për këtë rrugë u pre shiriti dy herë për çështje elektorale, me të ka pasur abuzime.
Po ashtu ai bëri thirrje që para se të përfundojnë punimet në këtë aks, duhet së pari të dëmshpërblen pronarët e tokës, ndërsa nuk kurseu kritikat dhe për ministrin e Transporteve, Sokol Dervishaj se ende nuk është marrë me çështjen e kompensimit të pronarëve.
“Ne duhet të krijojmë një strukturë të posaçme për rrugët në Shqipëri. BE ka një qasje tjetër për prokurimet publike. Ne kemi nisur në gjithë këto vit shumë rrugë, një pjesë e tyre të lëna rrugëve sepse projekti gjeologjik çalon. Nuk mund të ndodh që në 4 vende të ndryshme në një aks 11 km që të ketë rrëshqitje të paparashikuara, Këto janë rrugë që u nisëm për përfitime elektorale. Këto rrugë kanë nevojë për audit.
KLSH ka kryer një audit për autostradën Tiranë-Elbasan, dhe duhet të qartësohen përgjegjësitë. Doja ti kërkoja zotit Dervishi, duket t’i japim një përgjigje banorëve të zonës ku kalon rrua. Në zonën e Gracenit janë dëmtuar basenet dhe kanalet vaditëse. Në 31 tetor shpresoj të mbarojmë rrugën në Elbasan, ky është një lajm i mirë. Por ende nuk janë dëmshpërblyer pronarët. Ky është një plagë e vjetër.
Të gjithë e kujtojmë që kësaj rruge i është prerë dy herë shiriti dhe arsyet se pse jemi këtu sot është se në shumë pjesë të saj ishte që të mbaronte rruga në 23 qershor 2013. Ne grupet e maxhorancës e mbështesim kalimin e kësaj marrëveshje që financon këtë rrugë siç na është garantuar nga Ministria e 31 tetorit.”, pohoi Balla. Fill pas kësaj, Meta ka kërkuar që ministri Dervishi të japë sqarime. “Zoti Ministër, merr fjalën dhe jep sqarime”, tha Meta. (E.K/SHUPLAKA)