Këshilli Mbikëqyrës i Republikës së Shqipërisë ka miratuar konfigurimin e ri të kartmonedhave 200 dhe 5000 lekëshe. Ky vendim konsiston në përmirësimin e kartmonedhave që janë aktualisht në qarkullim.
Në njoftimin e saj, BSH bën me dije se “Seria e re e kartëmonedhave do të ruajë të njëjtën tematikë si ajo aktuale, por do të vijë te publiku e përmirësuar si në pikëpamjen vizuale ashtu edhe në atë të elementeve të sigurisë”.
Në mbledhjen e djeshme u miratuan edhe disa ndryshime në rregulloren “Për përcaktimin e nivelit të vendimmarrjes në mbikëqyrjen e veprimtarive bankare dhe financiare”.
Sa i përket serisë së re të kartmonedhave me vizatime dhe elementë sigurie të përmirësuara, ato do të jenë në qarkullim pas rreth dy vjetësh, prej 2019-ës.
(XH.A/SHUPLAKA)
Discussion about this post