Banorët e Zharrëzës që janë nisur nga fshati i tyre për në Tiranë sot kanë arritur deri në Kavajë.
Njëri prej tyre ka sfiduar hapur kryeministrin Rama duke e ftuar të shkojë mik një natë në Zharrëz me të birin, Zahon shkruan Nisma Thurje. Megjithëse mjeku i ka thënë që të kthehej nga rruga që ka marrë , ai thotë do të vazhdojë.
“Ftesa është e sinqertë pavarësisht nga kushtet. Le të vijë një natë mik në Zharrëz me të birin. Vetëm një natë”, thotë ai.
Banorët e Zharrëzës prej javësh kanë protestuar në mënyrë radikale deri tek greva e urisë. Ata fajësojnë Bankers Petrolium që operon në zonën e tyre se u ka shkaktuar dëm të pariparueshëm në banesat e tyre por jo vetëm pas shpimeve që kompania bën për të nxjerrë naftë dhe gaz.
Ata janë ankuar prej kohësh se shtëpitë e tyre janë bërë të pabanueshme prej “tërmeteve” që shkakton aktiviteti i kompanisë Bankers. Po ashtu ata shprehen se uji dhe toka ku ata kanë shtëpitë e tyre janë ndotur në mënyrë alarmante dhe se jetesa është e pamundur.
(M.D/ Shuplaka)
