Deputeti Gazment Bardhi foli pas mbledhjes së grupit parlamentar opozitar në ambientet e Kuvendit të Shqipërisë. Sipas Bardhit mazhoranca ka bllokuar kërkesat e opozitës për ngritjen e komisioneve hetimore.
Gazment Bardhi kishte kërkuar ngritjen e dy komisioneve hetimore për vjedhjen në sistemin TIMS dhe një komision për reformën zgjedhore.
Këto dy komisione u refuzuan nga mazhoranca, pasi për Bardhin nuk është në interesin e Ramës të hetohen personat që vodhën sistemin TIMS.
Gazment Bardhi: “Për të dalë tek çështje konkrete të opozitës. Unë kam informuar grupin për vendimmarrjet e mazhorancës për të refuzuar të drejtën e opozitës për llogaridhënie e qeverisë për ngritjen e komisioneve hetimore për TIMS dhe abuzimet në kontrata koncesionare. Kemi diskutuar që kjo është e papranueshme për opozitën t’i mohosh të drejtën për ngritjen e komisioneve hetimore. Jemi koshient për të shpëtuar grupin kriminal që me abuzimet po shpërdoron 420 milionë euro. Jemi të ndërgjegjshëm që nuk është në interesin e Edi Ramës që të hetohen personat që vodhën TIMS.
Edhe në seancën e shkuar kryetari i grupit të PS gjatë debatit u zotua që kjo çështje do të ishte në rendin e ditës. Sapo ka dalë rendi i ditës dhe propozimi i opozitës për ta bërë funksional komisionin e reformës zgjedhore nuk është bërë. Mazhoranca mban të bllokuar komisionn e reformës zgjedhore.”
Discussion about this post