Vijojnë replikat mes Partisë Demokratike dhe Kryeministrit edi Ramandërsa ky I fundit iu përgjigj pak më herët deklaratës së Koalicionit opozitar në lidhje me masat e ndërmarra nga qeveria për pandeminë e COVID-19, ku theksonte se duhej rishikimin urgjent të paketave gjysmake ekonomike, në mënyrë që askush që është prekur nga kriza, të mos përjashtohet nga ndihma si dhe për anullimin e menjëhershëm të koncesioneve.
Rama shprehej se para epidemisë kishim vetëm të papunë që kanë ikur nga Shqipëria, ndërkohë që tani paskemi vetëm punëtorë e të varfër që duhen paguar, po t’i mbledhësh siç i numëron PD bëhen 2 milionë!
Në lidhje me këtë reagim ironic tëkryeministrit, ka reaguar sërish PD përmes sekretarit të përgjithshëm, Gazment Bardhit i cili shprehet se se nga Surreli është vështirë të numërosh të varfërit dhe të papunët ndërsa shton se për të provuar dhimbjen e atyre që nuk kanë marrë ende asnjë lek, nuk ka nevojë për makinë llogaritëse, por duhen vetëm sy, vesh dhe përgjegjshmëri në qeverisje. Bardhi pohon se sipas INSTAT, në Shqipëri ka rreth 974 386 punonjës në sektorin privat bujqësor dhe jo bujqësor.
“Kur tabelën e shumëzimit e mëson si Edi Rama, duke llogaritur sa para fiton nga 1 leje ndërtimi, 1 koncesion, 1 tender, 1 pronë në bregdet, sa vota të siguron 1 kg heroinë, e ke mendjen të gënjesh për të mbuluar dështimin.
Çdo shifër e dyfishon sipas interesit politik, njësoj si çmimet e tenderave sekret. Punonjësit nuk i fut dot në xhepa si lekët e tenderave dhe as nuk i fsheh dot siç përpiqesh të bësh me dështimet e tua. Sipas INSTAT në Shqipëri ka rreth 974 386 punonjës në sektorin privat bujqësor dhe jo bujqësor. Qeveria ka lënë jashtë ndihmës financiare mbi 750 mijë qytetarë dhe nuk ka shpërndarë ndihmën e premtuar për mijëra të tjerë.
Nga Surreli është vështirë të numërosh të varfërit dhe të papunët. Për të provuar dhimbjen e atyre që skanë marrë ende asnjë lek, nuk ka nevojë për makinë llogaritëse. Duhen vetëm sy, vesh dhe përgjegjshmëri në qeverisje”, shkruan Bardhi.
(F.GJ/FAXWEB.AL)
