Bartra rrëfen nga spitali pas plagosjes në shpërthimin e autobusit: 15 minutat më të gjata të jetës sime

Mbrojtësi i Borusia Dortmund Marc Bartra ka thënë sot se momenti i shpërthimit afër autobusit të Borussia Dortmundit kanë qenë 15 minutat më të gjatë të jetës së tij.

Bartra plagosi krahun në shpërthimin afër autobusit që po shkonte në stadium për ndeshjen kundër Monacos në Champions League.

Mbrojtësi me origjinë spanjolle u operua në krah dhe pritet të mungojë së paku katër javë në fushën e blertë. 

“Sot më vizituan ata që më bëjnë të lumtur. Ato janë gjithçka për mua, arsyeja që luftoj për të tejkaluar këtë problem që ishte më i vështiri në jetën time. Nuk ia dëshiroj askujt”,- ka shkruar sot Bartra në Instagram, pasi gruaja e tij dhe vajza e kanë vizituar në spital. 

“Dhimbja, frika dhe mos dija se çfarë po ndodhte ose sa do të zgjaste… Ishin 15 minutat më të gjatë në jetën time”, ka rrëfyer veç të tjerash mbrojtësi i Borusia Dortmundit.

(M.D/ Shuplaka)