Basha akuza të drejtëpërdrejta Ramës: S’mund të jesh dhe mbrojtësi i bandës së Elbasanit dhe kampion i Drejtësisë

Kreu i PD-së Lulzim Basha në një dalje për mediat e ka akuzuar kryeministrin Rama për lidhje me bandat.

Duke folur për komisionet e Vetingut Basha u shpreh se Rama nuk ka vullnet për të bërë drejtësi, dhe këtë e tregoi me shkurtimit e fondeve për këtë proces.

“Ne vazhduam me Vetingun dhe ky është fakt, Komisionet janë ngritur me votën e PD. Ne votuam në Komisionin e ligjeve që këto komisione të kenë mbështetjen sa më të madhe financiare dhe njerëzore që ku proces të përfundojë sa më shpejt.

Edi Rama nuk mund të jetë edhe mbrojtësi i bandës në Elbasan, dhe kampioni i drejtësisë, edhe mbrojtësi i bandave në të gjithë vendin. Nuk mund të lëmë drejtësinë në dorë të bandave”, u shpreh Basha.

Po ashtu i pyetur nga gazetarët për Reformën zgjedhore Basha u shpreh se është i gatshëm për t’u ulur në takim me Ramën dhe këdo tjetër për ta zgjidhur. 

‘’Unë do të ulem dhe do të riulem me Edi Ramën apo pasardhësin e tij sa herë që të jetë e nevojshme”, u shpreh më tej Basha.

(E.K/SHUPLAKA)