Gjatë konferencës së sotme nga selia e Partisë Demokratike, kryedemokrati Basha me tone të forta iu është drejtuar edhe qytetarëve, ku përmes një apeli ka bërë thirrje për pjesëmarrje të gjerë në protestë, duke u shprehur se më 21 Qershor nuk ka asnjë hap pas.
Pjesë nga deklarata:
“Ju bëj thirrje të gjithë demokratëve dhe të gjithë qytetarëve që të vazhdojnë të jenë kurajozë dhe të bashkuar si deri më sot. Ne jemi të fortë. Ne jemi të vendosur. Ne kemi të drejtën me vete.
Do të protestojmë, do të qëndrojmë deri në fitore. Të bashkuar, nuk na ndal asgjë dhe i fusim frikën në palcë Edi Ramës dhe mercenarëve të tij.
Ftoj të gjithë qytetarët që të na bashkohen në protestën e të premtes së ardhshme.
Forca jonë është e pathyeshme sepse ne jemi shumica, sepse ne jemi e drejta, sepse ne jemi e vërteta.
Ne luftojmë për të ardhmen e fëmijëve tanë, kurse ata janë zvarranikë që luftojnë për karriken që kanë marrë duke ju vjedhur votën, paratë, pronat dhe mundësitë.
Tani është koha t’i merrni ato mbrapsht.
Asnjë hap pas, deri në fitoren e afërt të betejës tonë për Shqipërinë si gjithë Europa.”
Discussion about this post