Basha i kundërpërgjigjet Ramës: 100% dakort, PD nuk i duhet as dreqit se dreqi të ka ty!

Kreu i opozitës Lulzim Basha ka reaguar pas postimit të kryeministrit Edi Rama, i cili shprehej kundër tij lidhur me interpretimin e thirrjes së Departamentit Amerikan të Shtetit, për  zgjedhjet e 18 qershorit.

“100% dakord me EDramen, PD nuk i duhet dreqit, se dreqi te ka ty!”, shkruan Basha.

Kryeministri ka shkruar pak më parë se kreu i opozitës e ka interpretuar gabim thirrjen e Departamentit Amerikan të Shtetit.

“Lulëzimi e paska interpretuar thirrjen e Departamentit të Shtetit që gjithë partitë të hyjnë në zgjedhje, si një mbështetje për fantazinë e tij se po nuk hyri PD në zgjedhje, zgjedhjet nuk u bëkan as sipas Shteteve të Bashkuara! Në fakt e kundërta është e vërtetë. Shqipëria ka zgjedhje në 18 qershor. Dhe askush në botën e logjikës elementare demokratike, as nuk e diskuton fare datën kushtetuese të zgjedhjeve”, ka shkruar Rama pak më parë.

Ndër të tjera ka shkruar gjithashtu: “Një opozitë që i friket Reformës në Drejtësi dhe refuzon të paraqitet për gjykim përpara popullit, nuk i duhet jo Shqipërisë, shqiptarëve dhe miqve e partnerëve tanë ndërkombëtarë, po as dreqit vetë!” (D.D/Shuplaka)