Kreu i Partisë demokratike Lulzim Basha, ka mbyllur fushatën elektorale në qytetin e Durrësit, duke u bërë kështu gati për mitingun e radhës në kryeqytet, i cili do të zhvillohet në Bulevardin Dëshmorët e Kombit.
Edhe njëherë tjetër, Basha u bëri thirrje durrsakëve që të votojnë për Republikën e re, ndërsa shton se është hera e tij e parë që në Amfitetatrin e Durrësit, bashkohet me qytetarët për një kauzë, në këtë rast zgjedhjet. Kryeopozitari u thotë qytetarëve se ata gjenden përballë dy mundësive, ose të zgjedhin Ramën ose atë, duke neglizhuar LSI-në dhe Petrit Vasilin.
“Është hera ime e parë që në këtë amfitetatër të bashkohem me durrsakët e vendosur për fitoren e 25 qershorit. Këtu në sheshin e betejave, të përplasjeve, të kësaj qendre qytetërimi ilir, që i dhanë fabula dhe krenari një qyteti të tërë, sot jemi mbledhur për një përballje të një tjetër natyre, që ka të bëjë me të ardhmen e secilit prej jush.
Historinë e nderojmë, heronjtë tanë i duam të gjithë shqiptarët, por të djelën, amfiteatri do jetë mes dy mundësive, mundësisë së vetme që na la qeverisja e korruptuar, e dështuar e Edi Ramës, ku 56% e shqiptarëve duan të largohen, ndërsa tjetra është : voto numrin 6 për çdo durrsak e durrsake, për të gjithë shqiptarët që nuk duan të largohen.”, tha Basha.
Menjëherë pas këtij takimi elektoral, Basha ka marrë rrugën drejt Tiranës, që do jetë edhe takimi përfundimtar për të në këtë fushatë zgjedhore. (D.D/Shuplaka)
Discussion about this post