Kryetari i Partisë Demokratike, Lulzim Basha, përveç akuzave ndaj kryeministrit Rama, u ndal sot edhe tek pazari i fundit i Republikës së vjetër, sipas tij tek zgjedhja e Presidentit.
Pasi komentoi zgjedhjen e tij, duke iu drejtuar ish-kryetarit të LSI-së ai tha se “SHPK”-ja e Metës është duke shkuar drejt falimentimit ndaj i sugjeroi Metës ta marrë me qetësi dhe dashuri, duke “ia lënë faturën Petritit”.
Basha komentoi edhe deklaratat e këtyre ditëve të PS-së dhe LSI-së mbi qeverisjen me “një apo dy timonë”, duke theksuar se në ndryshim nga ata, PD ka në fokus njerëzit.
“Ku i ke vendet e punës?”, – nuk përgjigjet, “Ku e ke shëndetësinë falas?”, – nuk përgjigjet, por thotë pllakat dhe palmat janë të mira. Njerëzit nuk janë dele, Edi Rama, njerëzit ta kanë pirë lëngun, s’i gënjen dot me pllaka, as me palma. Nuk duan pllaka, palma. Duan punë, duan shëndetësinë.
Shqiptarët janë zgjuar, janë në këmbë. Ti nuk ia dhe punësimin dhe taksat e ulëta. Zgjodhe ta mbushësh qeverinë me kriminelë, Shqipërinë me drogë. Tani po merret me dele vetëm e vetëm që mos bëjë bilancin para jush. Është estrada e fundit. Nuk i ikën dot pyetjes së shqiptarëve “Ku i ke taksat e ulëta?”. Tani ka ardhur koha të gjykohesh me votë dhe të marrësh atë që meriton.
Kemi edhe një tjetër mesele në tepsinë e pushtetit. Opozita është e bashkuar falë jush, nën një sigël të vetme. Këta janë përçarë. Kanë vetëm deklaratat mbi “një timon, dy timonë”, garë me makina me njëri-tjetrin. Unë program të vetëm iu kam juve.
Pazari i fundit i Republikës së vjetër ishte zgjedhja e presidentit. U ulën të dy, ia futën me verë. As nuk u pyet njeri, as u vendos njeri. Dy njerëz me verë e me peshk zgjodhën presidentin. Tani mqs është futur edhe Shekspiri në këtë mesele… “Tregtarit të Venedikut” që u u zgjodh president, dua t’i them se SHPK-ja e tij do shkojë drejt falimentimit total më 25 qershor. Ndaj merre me qetësi dhe dashuri Ilir Meta, mos e shkel etikën. Lëre Petritin ta marrë faturën e SHPK-së.”, u shpreh Basha ndër të tjera.
(XH.A/SHUPLAKA)
Discussion about this post