Partia shqiptare BDI në Maqedoni, vazhdojnë bisedimet brenda organeve të tyre partiake nëse do bashkohen në një koalicion me LSDM-në e Zaev-it, apo jo.
Shefi i kabinetit të Ahmetit, Artan Grubi, deklaron se nëse LSDM-ja pranon platformën e përbashkët të partive shqiptare, në vecanti kushtin për zyrtarizimin e gjuhës shqipe, koalicioni nuk do të hasë asnjë pengesë.
“Nuk shoh arsye pse mos ta pranojë. Besoj që do të jenë reflektues në lidhje me këtë dhe nuk shoh asnjë maqedonas pse mos ta pranojë për arsye se kjo platformë i ndihmon kohezionit shoqëror, një barabarësie qytetarësh dhe i bën mirë shëndetit të Republikës së Maqedonisë. A mendoni atëherë se negociatat mund të përfundojnë shpejtë në qoftë se ka një frymë të tillë? Në qoftë se ka frymë konstruktive dhe në qoftë se ka gatishmëri për t’i reflektuar këto nevoja, po, absolutisht po”, tha Grubi.
Megjithatë LSDM deri tani nuk ka bërë public asnjë qëndrim lidhur me platformën e përbashkët të partive shqiptare. Zëdhënësi i partisë Petre Shilegov, tha se LSDM pret që vizita e euro-komisarit të enjten, të dëshmojë angazhimin e tyre për të sjellë ndryshime tërësore në politikë.
“Ditën e sotme e shfrytëzojmë për konsultime brenda-partiake kurse në rast të takimeve të reja do të njoftoheni. Nga vizita e Han presim që të vërtetohet se Maqedonia në zgjedhjet e 11 dhjetorit votoi për ndryshim të kësaj Qeverie dhe të vërtetohet angazhimi për formimin e Qeverisë politike që do t’i sjellë ndryshimet e nevojshme” deklaroi Shilegov. (D.D/Shuplaka)
