Sot, Buffon ka surprizuar me fjalët për gjermanin Manuel Neuer, gardianin e Bayern Mynchen. Portieri i Juventusit ka pranuar se, duke parë numrin 1 të Bayern-it, mëson prej tij.“Neuer është një portier fantastik, fuqia e të cilit nuk varet thjesht nga fiziku mbizotërues. Ai ka një stil ndryshe nga ne të tjerët dhe unë e vlerësoj shumë për këtë, sidomos për rezultatet e arritura. Nganjëherë e shoh, sepse dua të mësoj prej tij dhe të përmirësohem”, -është shprehur ai.
39-vjeçari Buffon ende e vlerëson konkurrencën.
“Në sport, gjithmonë duhet të përmirësohesh, ashtu si në jetë. Kjo të ndihmon të fitosh siguri në përballjen me njerëzit dhe botën. Jam i lumtur për jetën që kam. Jam i gatshëm të konkuroj në çdo lloj sfide dhe me çdokënd. Është e rëndësishme që të jesh i lumtur me punën në skuadër dhe t’i respektosh shokët e tu të skuadrës. Kjo është e vetmja rrugë për t’u rritur”, -ka shtuar portieri i kombëtares italiane.
Në 16-të vite me bluzën e torinezëve ai jo vetëm ka mbrojtur denjësisht ngjyrat e këtij klubi por edhe ka frymëzuar breza të rinj futbollistësh. Të pakët nuk ishin as kolegët e tij të cilët mahniteshin me aftësitë e pabesueshme për të mbajtur portën të parekur, ndër ta është edhe Iker Casillias, portieri legjendar i Realit të Madridit. (M.D/ Shuplaka)
Discussion about this post