Kryeministri Edi Rama mesa duket nuk ndalet me premtimet e tij. Së fundi nga Vlora ai ka deklaruar se gjatë këtij mandati do të rikonstruktohet aksi Orikum –Himarë.
Por ka hedhur edhe një ide tjetër, idenë e një tuneli, për të shmangur kalimin e qafës së Llogarasë, një nga rrugët më të vështira aktualisht në vend. I bindur se ky është një projekt historik, Rama nuk ishte i përgatitur për detaje dhe kërkoi mirëkuptimin e vlonjatëve për të mos kërkuar më shumë informacion.
“Po diskutojmë dy variante. Variantin e rrugës ekzistuese me një rrugë më standarde të certifikuara nga Bashkim Europian dhe variantin e një aksi të ri me tunelin në Llogara, por kjo është në diskutim, kështu që mos më kërkoni që sot ku është tuneli”.
Rama së bashku me komisionerin Johanes Hahn inspektoi punimet në shëtitoren bregdetare të Vlorës ku pamë edhe projektin e Lungomares. (J.V/Faxweb)
