Belgjika mban kurorën në grupin G, teksa mundi Anglinë në ndeshjen e tretë dhe të fundit të vlefshme për fazat e para.
Ishte supergoli me të majtën i mesfushorit me origjinë shqiptare, Adnan Januzaj ai që mposhti “Tre Luanët” që në minutën e 51’.
Një ndeshje që dhuroi shumë spektakël, intensitet të aksioneve dhe raste të shumtë për të shënuar gola, por përfaqësueset respektive nuk lëshuan shumë në repartin e mbrojtjes.
Edhe pse ishte një ndeshje që nuk rrezikonte aspak eliminimet, por u zhvillua një lojë më shumë për të ruajtur vendin e parë në grup. Ata që kërcënuan më shumë ishin anglezët, që pas shënimit të golit kërcënuan më shumë portën e portierit të Chelsea , Courtois, teksa ai ka qenë i vëmendshëm në të gjitha aksionet, duke i grushtuar ato.
Megjithatë, Belgjika dhe Anglia e mbyllën këtë takim me rezultatin minimal 1-0, teksa anglezët e mbyllin fazën e grupeve me gjashtë pikë dhe nga ana tjetër, belgët kryesojnë me nëntë pikë, teksa i kanë fituar të tre ndeshjet. Ndërkohë, në takimin tjetër mes Panamasë dhe Tunizisë është mbyllur me rezultatin 1-2, teksa afrikanët përmbysën gjithçka në pjesën e dytë.
Një ndeshje që ishte vetëm për statistika, pasi të dy skuadrat ishin të eliminuara që në ndeshjet e dyta. Të parët që kaluan në avantazh ishin panamezët me autogol në minutën e 33’ me Meriah. Ndërsa në fraksionin e pjesës së dytë tunizianët tregohen të shpejtë, pasi barazojnë shifrat me Ben Youssef në minutën e 51’ dhe dyfishuan rezultatin me Khazri në minutën e 66’. Vetëm me tre pikë arritën të grumbullonin afrikanët, dhe nga ana tjetër Panamaja bën gati valixhet me zero pikë.
Kujtojmë që në fazën 1/8-at do të ndeshjen çiftet, Kolumbi-Angli dhe Japoni-Belgjikë.
https://www.youtube.com/watch?v=7M3c-zLVwWc
https://www.youtube.com/watch?v=4PB8ELZcMRc
