Kreu i LIBRAS Ben Blushi, pranoi tre disavantazhet që partia e tij do të ketë në zgjedhjet e ardhshme.
I ftuar në emisionin “Studio” të gazetares Mirela Millori, Blushi tha se hapësira mediatike, financimet dhe mungesa e koalicionit janë tre problemet që mund ta pengojnë në zgjedhjet e ardhshme.
“Të gjithë ma bëjnë këtë pyetje. Do të kemi tre probleme por kjo nuk është arsye për t’u dekurajuar.
Së pari, është hapësira mediatike. Ne kemi akses në iunternet por jo në televizione. Njerëzit janë viktima dhe bashkëfajtorë të tv të mëdha. Kjo fushatë që po vjen do ju tregojë se sa klienteleste janë organizatat klienteliste në shqip.
Së dyti vijnë financimet. Ne skemi pas kurrë financime. E dini ku I marrin partitë e mëdha financimet? Nga kanabisi, nga tenderat, nga korrupsionet. Kostoja e një aktiviteti të thjeshtë të PS-së, PD-së dhe LSI-së shkon në 10 mijë euro në ditë.. Nga dalin këto para? O nga taksat o nga korrupsionet!
Së treti, nuk kemi bërë koalicion. Kemi vendosur të jetë anëtarësia jonë. E di që është e vështirë për shkak të kodit zgjedhor por kështu mund të jemi më të besueshëm për publikun.”, është shprehur Blushi.
Më pas ai shtoi se pavarësisht këture problemeve, LIBRA do të ketë sukses, dhe shprehu siguri të plotë që tre patritë kryesore, do fitojnë më pak vota se kurrë më parë, njëlloj siç ndodhi në Maqedoni.
Sipas Blushit, kjo do të ndodhë sepse shqiptarët e kanë humbur besimin, megjithatë ai nuk pretendon që LIBRA të bëhet partia e parë në vend.
Discussion about this post