Një ngjarje e rëndë ka ndodhur në Itali, ku protagonistë janë edhe dy shqiptarë. Ndërsa dy shqiptarët ishin duke bërë gara me makinën në një rrugë automobilistike në Itali, ka pasur përfundim tragjik për një pjesëmarrës tjetër, të pafajshëm në trafik, shkruan südtiroler news.
Në momentin që dy shqiptarët ishin duke bërë garë njëri prej tyre ka humbur kontrollin mbi makinën gjatë një manovrimi rrezikues dhe ka dalë në korsinë tjetër duke u përplasur me makinën që po vinte në mënyrë të rregullt. Nga ky aksident humbi jetën një 53 vjeçar italian pas përplasjes me makinë nga ana e 21 vjeçarit shqiptar.
Sipas dëshmitarëve dy vetura vazhdimisht e tejkalonin njëra-tjetrën dhe në timon të një “Audi A3” dhe një “Alfa 147” ishin dy të rinj me origjinë nga Kosova, kushërinj mes tyre.
Shqiptarët janë : 26-vjeçari me inicilae E.B. (i dënuar tashmë disa herë) i cili në një kthesë të rrugës “Via del Mare” afër lokalitetit San Dona di Piave ka tejkaluar atë të kushëririt të tij, me iniciale K.K.
Ky i fundit, 21-vjeçar, për të fundit herë ka provuar ta tejkalojë të parin dhe ka humbur kontrollin, duke shkaktuar aksidentin e rëndë. (J.V/Shuplaka)
