Berat/ Ngacmoi seksualisht një të mitur, arrestohet 36-vjeçari

Është kapur ditën e sotme një shtetas banues në fshatin Stamaticë të Beratit, pasi dyshohet se ka ngacmuar seksualisht një shtetase të mitur.

Policia ka bërë me dije që 36-vjeçari me iniciale D. B., ka qenë i dënuar më parë për “Veprime të turpshme” dhe “Kundërshtimi i punonjësit të policisë së rendit publik.”

Njoftimi i policisë

Specialistët për Hetimin e Krimeve të Komisariatit të Policisë Fier ndaluan shtetasin D. B., 36 vjeç, banues në fshatin Stamaticë, Berat, i dënuar më parë për veprat penale “Veprime të turpshme” dhe “Kundërshtimi i punonjësit të policisë së rendit publik”, pasi dyshohet se ka ngacmuar seksualisht një shtetase të mitur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.