Ish-Kryeministri Sali Berisha reagon pas deklaratës së fundit të kryeministrit aktual Edi Rama, i cili ftoi kreun e opozitës Lulzim Basha për dialog.
Berisha shprehet se Rama, pasi paradite vendos kushte për dialogun, pasdite shkruan se është i hapur për dialog dhe vendin dhe orën mund ta zgjedhë vetë Basha. Ish-kryeministri e cilëson pasardhësin e tij si cullak.
Madje ai ka publikuar edhe një fotomontazh të kryeministrit Rama kua i shfaqet me dhëmbët e thyer.
“Ky eshte Rama prej verteti apo cullak!
Te dashur miq, ne nje moment krize te thelle te vendit, pasi percaktoi paradite kushte per dialog ndonese eshte i pakallur apo menderosur si asnje koleg tjeter i tij ne planet, Rama pasi vendos kushte paradite kushte per dialogun, mbasdite i shkruan Bashës ne stil ordineri, le te themi banditesk sikur te ishte jo kreu i qeverise por Mlili i Partise: “Lulëzim ta kam thënë kaherë, jam i gatshëm për dialog sa herë PD do dialog dhe për gjithçka, kudo e kurdo! Caktoje vetë vendin dhe orën”.
Miq, ky eshte Edvini prej te verteti, Rama cullak!”, shkruan Berisha.
Ftesa e Ramës për dialog kundrejt Bashës, vjen një ditë pas kushteve që kreu i LSI-së Ilir Meta, i vendosi për vazhdimin e koalicionit PS-LSI.
Pas përfundimit të mbledhjes së Kryesisë së LSI-së, Meta tha se do ta vazhdonte koalicionin nëse PS-ja do t’i ofronte një qeveri besimi opozitës, madje ofroi mandatet e LSI-së në qeveri për Partinë Demokratike, në mënyrë që kjo e fundit të ketë rol në procesin zgjedhor. (D.D/Shuplaka)
