Ish-kryeministri Sali Berisha është paraqitur në Komisionin Hetimor Parlamentar për çështjen CEZ. Gjatë fjalës së tij hyrëse, ish kreu i PD-së u shpreh se nuk mund të raportonte para një shpifësi ordiner, duke patur parasysh kreun e komisionit, socialistin Taulant Balla.
“Një shpifës ordiner, nuk ke kredenciale, autoritet. Je një i dënuar i formës së prerë. Nuk ke pranuar ekzekutimin e vendimit. Në këto kushte nuk mundet që shpisëfi i dënuar nga Kodi Penal për shpifje të ndyra dhe që u zotua para shqiptarëve që nuk jam dënuar kurrë. Unë në respekt të Kuvendit, deklarova se në rast se nuk je dënuar dhe unë para sektorit ligjor dhe parlamentit vendosa të respektoj parlamentit. Je një shpifës i ndyrë dhe nuk pranon të paguajë 10 milionë lekë gjobë. Je dy herë kriminel, njëherë për shpifje e një herë për mospagim”, u shpreh në fjalën e tij ish-kryeministri Sali Berisha.
Pas kësaj, kryetari i këtij komisioni, Taulant Balla, ka lexuar një dokument të vitit 2006 të Kuvendit në lidhje me dënimin për shpifje, se nëse dikush është i dënuar për një vepër që s’ka lidhje me objektin e komisionit nuk duhet të largohet.
Discussion about this post