Ish-kryeministri Berisha pas një kohe shumë të gjatë largimi nga ekrani i Top Chanel, ka vendosur të rikthehet sërisht. Ai ka zgjedhur dhjetorin, muajin e protestave studentore, krijimit të PD-së për t’u rikthyer dhe folur për to dhe zhvillime të tjera.
Sali Berisha rikthehet në “Top Story” ditën kur lindi Partia Demokratike. Kush e dërgoi te studentët, si iu bashkua lëvizjes? Si rilindi pas 50 vjetësh rezistenca ndaj komunizmit dhe përse iu kthyen kundër të parët, ata që ishin pjesë e tij. Përse tranzicioni shqiptar vazhdon akoma dhe a ndihet përgjegjës Sali Berisha, si një prej autorëve të tij kryesorë? Shanset e rikthimit të PD-së në pushtet dhe a do jetë ai pengesë apo motori i saj në zgjedhjet e vitit të ardhshëm? Për të gjitha këto, ndiqni rikthimin e Sali Berishës në “Top Story” të hënën, në ora 21:00, në Top Channel.
Berisha njihet për qëndrimet e tij kundër këtij televizioni duke e cilësuar atë vegël të qeverisë.
