Aktualisht në presidencë ministrat e qeverisë Rama2 po bëjnë betimin pranë presidentit Meta.
I pari është betuar kryeministri Rama pasi është thënë teksti i betimit. Kryeministri më pas i ka dhënë dorën dhe presidentit Meta, më pas me radhë ministrat janë betuar dhe kanë takuar presidentin Meta.
Ky moment shënon zyrtarisht dhe përfundimin e procedurave ligjore dhe nisjen zyrtarisht nga puna të saj.
“Në Institucionin e Presidencës, ora 17:00 zhvillohet ceremonia e betimit të Anëtarëve të Keshillit të Ministrave” thuhej në njoftimin e Presidences.
Miratimi i qeverisë dhe programit të saj në Kuvend u bë mëngjesin e sotëm pas një seance maratonë që nisi të martën në orën 09:00. Në diskutimet dhe debatet mbi qeverinë pothuajse folën të gjithë deputetët, ndërsa opozita (PD dhe LSI) u shprehën kundër.
Mësohet se pas betimit në Presidencë, do të mbahet mbledhja e parë e qeverisë “Rama2”. (B.H/Shuplaka)
