Bilanci i sezonit turistik, Rama: Të mos jemi vetëm turizëm “low-cost’. Pse mbështesim yahtet? Sepse mbështesim ekonominë

Kryeministri Edi Rama në takimin përmbyllës për sezonin turistik u ndal edhe tek natyra e të bërit turizëm në Shqipëri.

Sipas kryeministrit nuk duhet të ndalemi vetëm tek turizmi “low-cost”. Me rëndësi të madhe për ekonominë e vendit është turizmi elitar. Prandaj ai duhet promovuar sa më shumë.

Rama iu përgjigj edhe kritikëve se mbështet yahtet luksoze. Kryeministri shprehet se ai nuk mbështet yahtet, por mbështet ekonominë. Pasi ata që vijnë me yahte sjellin me vete një përfitim shumë të madh për ekonominë e vendit tonë.

Edi Rama: Nuk mund të jemi më turizëm low cost. Duhet të jemi edhe turizëm të nivelit të lartë pasi ata që vijnë për turizëm të lartë sjellin më tepër para për vendin tonë. Se na thonë pse mbështesni yahtet? Nuk mbështesim yahtet, mbështesim ekonominë. Të sjellim sa më  tepër yahte për ekonominë. Ne të kemi parasysh që historitë e fshatrave tursitke në vite e në vite që duhet të gjesh rrugëm për të shkuar drejt detit është e mbyllur.