Është konfirmuar largimi i shefit të misionit EURALIUS në Tiranë por stafi i tij as që është në dijeni, ose së paku kërkon të jetë i kujdësshëm në dhënien e ndonjë informacioni për mediet.
Rainer Deville është pezulluar nga posti që mbante dhe një nga arsyet, me sa ka rezultuar së fundmi, është edhe përkthimi me gabime i Ligjit të Vettingut.
Gazeta ‘Shekulli’ raporton sse Deville prej një jave nuk ndodhet në Shqipëri është interesuar pranë zyrës së misionit europian për një përgjigje zyrtare mbi largimin e tij të parakohshëm nga Shqipëria.
Gazeta ka “konfirmuar” lajmin e djeshëm se Ranier Deville nuk ndodhet prej një jave në Shqipëri dhe se është larguar ‘në drejtim të paditur’.
”Është e vërtetë që zoti Deville prej disa ditësh ka shkuar jashtë me pushime, ndërsa nuk kam hollësi për çështjen që më pyesni ju. Madje zërat për një shkarkim të mundshëm të zotit Deville për herë të parë po e dëgjoj nga ju.
Jam i habitur për këto që thoni ju, sepse për aq sa dimë ne, zoti Deville ka marrë lejen e zakonshme dhe ka shkuar jashtë shtetit për pushime. Gjithsesi unë do të mundohem t’ju lidh me personin përgjegjës, sapo të komunikoj, do t’ju njoftoj. Do të doja nga ju që të mos publikonit asgjë në lidhje me këtë çështje derisa t’ju japin një përgjigje zyrtare”, komunikuan burimet e EURALIUS-it në Tiranë.
Discussion about this post