Në fundin e emisionit të djeshmë me kreun e PD-së, moderatori Blendi Fevziu i ka bërë një dhuratë Lulzim Bashës.
Dhe nuk ishte as më pak dhe as më shumë se e njëjta dhuratë që moderatori i kishte bërë dhe kryeministrit Rama në prill të këtij viti, një stilolaps që lidhej me vitin e Skënderbeut.
“Dua të bëj një dhuratë simbolike që ja bëra edhe kryeministrit Rama dhe do ia bëj edhe Presidentit Meta. Është një dhuratë simbolike që lidhet me vitin e Skënderbeut.
Është një stilolaps ‘Montegrappa’ në të cilin është gdhendur figura e heroit tonë dhe stema e Republikës së Shqipërisë. Po j’ua dhuroj, është me inicialet e emrit tuaj dhe të emisionit ‘Opinion’”, ka deklaruar Fevziu.
Basha e pranoi me kënaqësi dhuratën, pasi siç thotë edhe shprehja e famshme, ‘’dhuratat i pranon edhe mbreti”.
Basha komentoi mbrëmë vijimin e aksionit opozitar që do të ketë PD-ja dhe si do të shkojë çështja lidhur me audiopërgjimin ndaj vëllait të ministrit Fatmir Xhafaj.
(E.K/FAXWEB.AL)
Discussion about this post