Pamjet e Fax News nga qyteti i Kukësit tregojnë Rrugën e Kombit të bllokuar për disa minuta, mbrëmjen e sotme.
Gazetari Ermal Hallaçi, bën me dije se mbrëmjen e sotme për rreth 15 minuta protestuesit nga qyteti i Kukësit, kanë bllokuar Rrugën e Kombit.
Ata e kanë bërë këtë gjest mosbindjeje civile si thirrje ndaj organeve të drejtësisë që të lirojnë nga masa e “arrestit me burg” 11 kuksianët, të cilët protestuan në 31 mars në Rrugën e Kombit për heqjen e tarifës prej 5 eurosh të vënë nga qeveria.
Protesta e pasdites së sotme nisi në qytetin e Kusësit dhe u drejtua për në segmentin e Rrugës së Kombit pranë qytetit duke e bllokuar atë në shenjë proteste.
Mësohet se pas 15 minutash bllokimi protestuesit janë tërhequr duke lejuar qarkullimin e lirë të automjeteve drejt kryeqytetit.
(E.L/Faxweb)
