Deputeti Ben Blushi ka shkuar sot për të vizituar nga afër banorët që janë futur në grevën e urisë në Zharrëz. Ai ka shprehur solidaritetin etij me këta banorë dhe ka kërkuar prej tyre që të qëndrojnë të fortë. Jashtë ambjenteve ku qëndrojnë grevistët, ai iu ka bërë thirrje banorëve të tjerë që të bëhen në një mendje në mënyrë që t’i bëjnë ballë presioneve që iu vijnë nga ‘’Bankers’’ apo qeveria. Sipas Blushit qeveria dhe mediet po e bojkotojnë këtë grevë pasi ata kanë interesa ekonomike dhe marrin rryshfete për të heshtur.
‘’Duhet të tregoni që gjithë populli i Zharrzës është në një mendje. Media dhe qeveria janë me palën e ‘’Bankers’’, janë me të pasurit. Qeveria është me palën që rrezikon jetën tuaj për shkak të rryshfetit. Një naftë e përzierë me gjak ne nuk na duhet. Makinat e Shqipërisë nuk mund të mbushen me gjakun tuaj’’, është shprehur Blushi. (E.K/SHUPLAKA)
