Blushi dhe LIBRA me një propozim: Arsimi i mesëm të bëhet i detyrueshëm

”LIBRA ka një propozim të ri.Arsim i Mesëm i Detyrueshëm. Sot fëmijët e Shqipërisë mund të mos shkojnë në gjimnaz nëse nuk duan apo nuk munden cka është një nga arsyet kryesore te dobësimit te tregut tonë të punës,të kriminalitetit të lartë në mosha te reja,të papunësisë dramatike të të rinjve si dhe të injorancës që po përhapet si epidemi.

LIBRA është e bindur se fëmijët deri 18 vjec duhet të shkojnë në shkollë me detyrim. Duke kushtëzuar prindërit e tyre me gjoba, me paga apo ndihma ekonomike. Shkollimi nuk është çështje personale por një detyrim qe shoqëria ka ndaj individit dhe individi ka ndaj shoqërisë.

Arsimi është ilaci kryesor në luftën kundër varfërisë. Imagjinoni sa fëmijë do kishin shpëtuar nga rruga, nga droga, nga krimi dhe punët e zeza nëse do ishin të detyruar nga shteti te shkonin ne shkollë deri 18 vjec. Shqipëria mund të ndryshojë vetëm nga shkolla!”, shkruan Blushi. (E.K/SHUPLAKA)